Топ 10 земји со најголеми резерви злато во 2021
Почнувајќи во 2010 година, централните банки низ светот од нето продавачи на злато прераснаа во нето купувачи на благородниот метал. Централните банки купиле 272.9 тони злато во 2020 година.
Централните банки се нето купувачи на злато веќе 11 последователни години. Според податоците на Светскиот Совет за Злато (ССЗ), централните банки ширум светот купиле 272.9 тони шипки во 2020 година.
Купувањата минатата година беа пониски за неверојатни 60% од рекордните 668 тони купени во 2019 година. Пандемијата со COVID-19 беше силен двигател за централните банки со најголеми резерви злато да продадат дел од своите резерви и да внесат ликвидност во нивните економии. Купувањето беше концентрирано во првата половина од годината, а потоа стана речиси непостоечко во третиот квартал, па така и продолжи во последните три месеци од годината.
Топ 10те централни банки со најголеми резерви на злато останаа воглавно непроменети во последните неколку години. САД го држат првото место со над 8,000 тони злато во нивните трезори – скоро колку следните три земји заедно – и сочинуваат 79% од вкупните резерви. Единствените земји каде златото претставува поголем процент од резервите се Португалија со 80.1% и Венецуела со 82.4%.
10те најголеми централни банки направија нето набавки од еден тон или повеќе во 2020 година, што ја нагласи континуираната побарувачка за благородниот метал. Турција беше купувач број еден втора година по ред – додавајќи 134.5 тони – и исто така беше најголем продавач редуцирјќи ги резервите за 36.3 тони. ССЗ наведува дека продажбата е концентрирана околу мал број централни банки кои купуваат злато од домашно производство, вклучувајќи ги Монголија и Узбекистан.
Подолу се топ 10те земји со најголеми резерви на злато – ранг листа која е непроменета во однос на 2019 година. Бројките се заклучно со април 2021 година и не го вклучуваат Меѓународниот Монетарен Фонд (ММФ) како земја, кој во спротивно ќе го држи првото место со 2,814 тони.
10. Холандија
Тони: 612.5
Процент од девизните резерви: 67.4%
Холандската централна банка објави дека ќе ги премести своите златни трезори од Амстердам во Камп Њу Амстердам, околу еден час надвор од градот, наведувајќи ги како причина оптоварувачките безбедносни мерки на нејзината сегашна локација. Како што истакнаа многу други, ова изгледа чудно, имајќи предвид дека банката прилично неодамна вратила голема количина од своето злато од САД.
Зградата „Gold Souk“ во Бевервајк, Холандија, располага со пазар за трговија со злато
9. Индија
Тони: 687.8
Процент од девизните резерви: 6.5%
Не е изненадување што Банката на Индија има една од најголемите продавници за злато во светот. Јужноазиската земја, дом на 1.25 милијарди луѓе, е втор најголем потрошувач на благородни метали и е еден од најсигурните двигатели на глобалната побарувачка. Сезоната на фестивали и свадби во Индија, која трае од октомври до декември, историски се покажа како огромен благодет за трговијата со злато.
Изградбата на Златниот Храм во Амритсар, Индија, завршен во 1604 година
8. Јапонија
Тони: 165.2
Процент од девизните резерви: 3.1%
Јапонија, третата по големина економија во светот, исто така е осмото најголемо складиште на жолтиот метал. Нејзината централна банка е една од најагресивните практичари на квантитативно олеснување – во јануари 2016 година таа ги намали каматните стапки под нулата – што помогна да се поттикне побарувачката за злато ширум светот.
Златниот Павилјон во Кјото, Јапонија, се одликува со прекрасна обвивка од златни листови
7. Швајцарија
Тони: 1,040.0
Процент од девизните резерви: 5.4%
На седмото место е Швајцарија, која всушност ги има најголемите светски резерви на злато по глава на жител. За време на Втората Светска Војна, неутралната земја стана центар на трговијата со злато во Европа, правејќи трансакции и со Алијансата и со силите на Оската. Денес, поголемиот дел од трговијата со злато се врши со Хонг Конг и Кина.
Златни прачки и монети на Credit Suisse
6. Кина
Тони: 1,948.3
Процент од девизните резерви: 3.3%
Во летото 2015 година, Народната Банка на Кина почна да ја споделува својата активност за купување злато на месечна основа, за прв пат од 2009 година. Иако Кина е на шестото место по најмногу злато, жолтиот метал претставува само мал процент од целокупните резерви – само 3.3 отсто.
Почнувајќи годинава, Кина ќе им дозволи на домашните и меѓународните банки да увезуваат големи количини на благородниот метал во земјата во обид да ги оддржат цените. Според известувањето на Ројтерс, околу 150 метрички тони злато во вредност од 8.5 милијарди долари ќе бидат испорачани во Кина во Април или Мај.
Над 2.000 древни статуи на Буда се до сега ископани во Кина
5. Русија
Тони: 2,295.4
Процент од девизните резерви: 22%
Руската Централна Банка беше еден од најголемите купувачи на злато во последните седум години и ја престигна Кина во 2018 година за да ја заработи петтата позиција по големина на резервите од злато. Во 2017 година, Русија купи 224 тони златни шипки во обид да се осамостои од американскиот долар, бидејќи нејзините односи со западот станаа ладни по анексијата на полуостровот Крим во средината на 2014 година. За да обезбеди пари за овие набавки, Русија продаде огромен процент од сопствените трезори во САД.
Позлатени куполи на катедралата Благовештение во Москва, Русија
4. Франција
Тони: 2,436
Процент од девизните резерви: 64.5%
Централната Банка на Франција продаде малку од своето злато во последните неколку години. Тековните резерви се состојат од 100 тони златни монети, а остатокот е во шипки со тежина од околу 12.5 килограми. Трезорите на Banque de France во Париз се еден од четирите назначени депозитари на Меѓународниот Монетарен Фонд (ММФ).
Свадбената круна на Ана од Бретања
3. Италија
Тони: 2,451.8
Процент од девизните резерви: 69.3%
Италија, исто така, ја задржа големината на своите резерви со текот на годините. Марио Драги, поранешен гувернер на Банката на Италија и гувернер на Европската Централна Банка, на прашањето од еден новинар во 2013 година за тоа каква улога игра златото во портфолиото на една централната банка, одговори дека металот е „резерва за безбедност“, додавајќи дека „тоа ви дава прилично добра заштита од промени во однос на доларот“.
Детал од златен лав на базиликата Свети Марко во Венеција, Италија
2. Германија
Тони: 3,362.4
Процент од девизните резерви: 74.5%
Во 2017 година Германија заврши четиригодишна операција за да префрли вкупно 674 тони злато од Banque de France и Federal Reserve Bank во Њујорк назад во сопствените трезори. Како што беше најавено во 2013 година, се очекуваше дека овој потег ќе трае до 2020 година. Иако побарувачката за злато падна во 2017 година, откако го достигна највисокото ниво во 2016 година, оваа европска земја бележи постојан пораст на инвестициите во злато од глобалната финансиска криза.
Различни германски монети
1. САД
Тони: 8,133.5
Процент од девизните резерви: 77.5%
Со официјално најголемите резерви во светот, САД имаат речиси исто толку злато колку претходните три земји заедно. Според она што го знаеме, поголемиот дел од американското злато се чува во Форт Нокс во Кентаки, а остатокот се чува во Ковачницата Филаделфија, Ковачницата Денвер, Ковачницата Сан Франциско и складиштето за злато во Вест Поинт. Државата Тексас отиде дотаму што создаде свој сопствен трезор за златни шипки за да го заштити златото на инвеститорите.
САД го чуваат најголемиот дел од своето злато во американскиот резерват за шипки во Форт Нокс
Македонија во листата: worldbank.org
Извор: usfunds.com